Aranguren dorretxea

Aranguren dorretxea
Kultura ondasuna
Irudi gehiago
Kokapena
Herrialdea	Euskal Herria
Probintzia	Bizkaia
Herria	Orozko
Koordenatuak	43°05′49″N 2°52′10″W / 43.096872°N 2.869351°W / 43.096872; -2.869351
Historia eta erabilera
Irekiera	XVI. mendea
Arkitektura
Estiloa	arkitektura gotikoa pizkundetar arkitektura arkitektura barrokoa
Ondarea
BIC	RI-51-0005157
25

Aranguren dorretxea Bizkaiko Orozko udalerrian kokatzen den dorretxea da. Zubiaur eta Ibarra auzoen arteko bidean eta Arnauri ibaiaren ondoan dago.

Historia

Aranguren dorretxea Aiarako jaunen agindupean zegoen Olarte sendiaren jabetza izan zen. XVI. mendearen hasieran eraiki zen. XVII. mendean Rotaetxe familiak eskuratu zuen, eraikinaren erreforma gauzatu eta gaur egungo itxura emanez^[1].

Deskribapena

Aranguren dorretxea izen hori izan arren ez da bandokide dorretxe ohikoa, babesleku izateko eraikitakoa alegia, dirudun kapare baten etxea baizik. Egia esan, bizileku izateko helburu argia duen landa jauregia da.

Estilo gotiko eta pizkudentarreko ezaugarriak konbinatzen ditu. Oinplano laukidunekoa da eta hiru solairu ditu. Lehen bi solairuetan harlangaitz-hormak ditu, harlandua izkinetan erabiltzen duelarik^[2]. Bertan zenbait bao eta leihatila eta gezileihoren bat dago. Kanpoaldean lehen solairura igotzeko eskailera bi daude, aurrealdekoa handiagoa delarik. Goiko solairuak aurrealde nagusian adreiluzko eta egurrezko bilbapena daramana eta gainontzekoetan bakarrik egurrezkoa^[3]. Solairu hau funtsezkoa da Aranguren dorretxearen irudian, bere ezaugarri bereizgarria baita. Behe solairuko sarrera nagusian Olarte sendiaren armarria ageri da^[4].

Erreferentziak

Kanpo estekak

• Aranguren dorretxearen jabe izandako Olarte eta Rotaetxe familien historia.

• Datuak: Q18810223
• Multimedia: Torre de Aranguren (Orozco) / Q18810223