Fredric March

Fredric March
(1940) Irudi gehiago
Bizitza
Jaiotza	Racine, 1897ko abuztuaren 31
Herrialdea	Ameriketako Estatu Batuak
Lehen hizkuntza	ingelesa
Heriotza	Los Angeles, 1975eko apirilaren 14a (77 urte)
Heriotza modua	berezko heriotza: prostatako minbizia
Familia
Ezkontidea(k)	Ellis Baker Florence Eldridge  (1927 -  1975)
Hezkuntza
Heziketa	Wisconsingo Unibertsitatea Madisonen Washington Park High School (en)
Hizkuntzak	ingelesa
Jarduerak
Jarduerak	aktorea, karaktere aktorea, antzerki aktorea, zinema aktorea eta telebista-aktorea
Jasotako sariak	ikusi Gizonezko aktore onenaren Oscar Saria  (1931) : Dr. Jekyll eta Mr. Hyde (1931ko filma) Gizonezko aktore onenaren Oscar Saria  (1946) : The Best Years of Our Lives Tony Award for Best Actor in a Play  (1947) Tony Award for Best Actor in a Play  (1957) Izarra Hollywoodeko Ospearen pasealekuan
Sinesmenak eta ideologia
Alderdi politikoa	Ameriketako Estatu Batuetako Alderdi Demokrata

Fredric March (Racine, 1897ko abuztuaren 31 – Los Angeles, 1975eko apirilaren 14a) aktore estatubatuarra izan zen. Benetako izena Ernest Frederick McIntyre Bickel zuen eta Racinen, Wisconsinen, munduratu zen. Oinarrizko ikasketak eginda, Wisconsin-Madison unibertsitatean jardun zuen. Banku batean ekin zion lanari, baina apendizitis larri batek zer pentsatu eman zion eta bestelako beharra nahi zuela erabaki zuen. Figurazio eta estra lanetan ibili zen hainbat filmetan 1920an hasita, eta 1926an Broadwayra jo zuen, handik gutxira Paramount Pictures konpainiarekin sinatzeko.

Lanak

1930ean Oscar sarietarako lehen izendapena jaso zuen ( The Royal Family of Broadway), eta bi urte geroxeago lehenengoa irabazi: gizonezko aktore onenaren Oscar saria eman zioten Dr. Jekyll and Mr. Hyde filmean eginiko lanagatik. 1946an, ostera ere sari berori irabazi zuen: The Best Years of Our Lives.

Marchek zinemarako zein antzerkirako lanak osatu zituen bere ibilbidean, ezin bata edo bestea alde batera laga. Ez zuen estudioekin epe luzerako kontraturik sinatu, eta agian horregatik ez zuen, bere garaiko aktoreek egin ez zuten legez, hainbeste filmetan parte hartu. Arthur Miller antzerkigilea Marchen auzokoa zen eta Death of a Saleman lana 1949an Elia Kazanek zinemara egokitu behar izan zuenean Fredric aritzea nahi zuen idazleak. Aktoreak, ordea, ezetz esan zion eskaintzari; eta beharbada damutu zitzaion, handik hiru urtera antzezlanaren bigarren bertsioan parte hartu baitzuen, 1951n Laslo Benedek-ek zuzendua. Oskar sarietarako izendatu zuten ostera ere.

Azken aldiko lanik garrantzitsuena akaso Spencer Tracyrekin batera antzeztutako Inherit the Wind (1960) filma izan zen.

Florence Eldridge aktorearekin ezkondu zen 1927an eta Connecticut izan zuen bizileku. Ideia aurrerakoiak zituen, eta kritika nahikotxo jaso zituen Espainiako Gerra Zibila zenekoan jendaurrean errepublikanoen alde azaldu izanagatik.

Gaixo zela lan ederra egin zuen 1973ko The Iceman Cometh filmean. Prostatako minbiziak jota hil zen 1975ean.

Filmografia

Oscar Sarietarako izendapenak

• 1952 Izendatua Death of a Salesman
• 1947 Irabazle The Best Years of Our Lives
• 1938 Izendatua A Star Is Born
• 1932 Irabazle Dr. Jekyll and Mr. Hyde
• 1931 Izendatua The Royal Family of Broadway

Kanpo loturak

Wikimedia Commonsen badira fitxategi gehiago, gai hau dutenak: Fredric March

• Fredric March IMDB atarian
• Fredric March: Argazkiak

Artikulu hau Kaliforniako biografia baten zirriborroa da. Wikipedia lagun dezakezu edukia osatuz.