Hipodromo

Hipodromo edo zalditokia (Greziera klasikozko hippos "zaldia" eta dromos "lasterketa" hitzen lotunea) zaldi-lasterketetarako esparru itxia da. Inguruan harmailak eta erdigunean pista ditu. Normalean lurrezko pistetan trostariek eta belarrezkoetan odolgarbiek lasterketa egiten dute.

Bertan, ikusleek apustuak egin ditzakete.

Historia

Grezian eta Konstantinoplan ere baziren hipodromoak. Greziako hipodromorik handiena Olinpiakoa zen. Zelaiak 770 metroko luzera zuen, eta harmailaz erabat inguratuta zegoen. Erlijio festa egunetan bakarrik egiten zituzten zaldi lasterketak hipodromoan. Konstantinoplako hipodromoak 370 metroko luzera zuen, eta 30.000 ikuslerentzat adinako lekua. Zaldi lasterketez gainera, beste ikuskizun asko antolatzen ziren hipodromoetan. Erroman, aldiz, zaldi lasterketak zirkuan egin ohi ziren.^[1]

Hipodromoak Euskal Herrian

Euskal Herrian hipodromo bi daude:

• Biarritzen, Loreen hipodromoa
• Zubietan, Donostiako hipodromoa

Erreferentziak

Wikiztegian orri bat dago honi buruz: hipodromo .

Kanpo estekak

• Datuak: Q11822917
• Multimedia: Racecourses / Q11822917