Jeronimo Sarasola

Jeronimo Sarasola
Bizitza
Jaiotza	Tolosa, 1896ko irailaren 29a
Herrialdea	Gipuzkoa, Euskal Herria
Heriotza	1987 (90/91 urte)
Hezkuntza
Hizkuntzak	gaztelania euskara
Jarduerak
Jarduerak	idazlea

Jeronimo Sarasola Treku, izengoitiz Tolosar Pedro Bautista (Tolosa, Gipuzkoa, 1896ko irailaren 29a - 1987) gipuzkoar idazlea eta Kaputxinoa izan zen.

Biografia

Tolosako "Muniti-bekoa" baserrian jaioa,^[1] umetan Altsasuko kaputxinoetara joan zen eta 1914an Zangotzan abitua jantzi zuen. Hortik aurrera, Teologia ikasketekin jarraitu eta 1922an apaiztu ondoren, 1931 arte Filosofia irakatsi zuen Hondarribian.

1931an Txinako Pingliangeko elizbarrutira joan zen misiolari. Han hogeita bi urte eman ondoren, 1953an, Txinako Iraultza garaitu ostean, bertako agintariek misiolari guztiak egotzi zitzuten eta Inazio Larrañaga gotzainarekin itzuli zen Euskal Herrira. Txinatik, sarri bidali ohi zituen artikuluak Zeruko Argia aldizkarian argitaratzeko.

Sarasolarenak dira: Eliz-abestiak (1926), Irugarren Ordenakoen Induljentziak (1926), Jaun-artzeko otoitz laburrak (1925).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.