Juan Jose Goiriena de Gandarias

Juan Jose Goiriena de Gandarias
Eusko Ikaskuntzako presidentea 1996 - 2002 Euskal Herriko Unibertsitateko errektorea 1991 - 1996 ← Emilio Barberá Gillem - Pello Salaburu →
Bizitza
Jaiotzako izen-deiturak	Juan José Goiriena de Gandarias y Gandarias
Jaiotza	Gasteiz, 1948ko uztailaren 27a
Herrialdea	Araba, Euskal Herria
Heriotza	Barakaldo, 2020ko irailaren 1a (72 urte)
Hezkuntza
Heziketa	Salamancako Unibertsitatea : medikuntza, Kirurgia
Hizkuntzak	gaztelania
Jarduerak
Jarduerak	mediku-ikertzailea eta unibertsitateko irakaslea
Enplegatzailea(k)	Oviedoko Unibertsitatea Murtziako Unibertsitatea Euskal Herriko Unibertsitatea
Kidetza	Eusko Ikaskuntza Jakiunde Euskal Herriko Medikuntzaren Errege Akademia

Juan Jose Goiriena de Gandarias y Gandarias (Gasteiz, 1948ko uztailaren 27a - Barakaldo, 2020ko irailaren 1a) arabar ikertzaile eta irakaslea izan zen.

Biografia

Medikuntza eta Kirurgia ikasketak egin zituen Salamancako Unibertsitatean (1965-1970) eta han eskuratu zuen lizentzia; doktoregoa berriz EHUn egin zuen. 1970etik irakaskuntzan eta ikerketa-lanetan jardun zuen Oviedoko, Murtziako eta Euskal Herriko unibertsitateetan. Euskal Herriko Unibertsitatean irakasle izateaz gain betekizun garrantzitsuak izan zituen: Medikuntza Fakultateko idazkaria (1974-1975); Antolaketa Akademikoko errektoreordea (1980-1984) eta errektorea (1991-1996). 1984ko uztailetik 1987ko maiatza arte, bestalde, Osasun eta Kontsumo sailburuorde izan zen Eusko Jaurlaritzako Osasun eta Segurantza Sozialeko sailean. 1996an Eusko Ikaskuntzako lehendakari hautatu zuten. 1997tik Basurtoko Institutu Medikuko zuzendaria izan zen, Kirol Medikuntzan espezializatua.

Besteak beste, lan hauek argitaratu zituen: Enzimopatias Genéticas en Ofatlmología (1971), Hematíes (1975) eta La salud del año 2000. Discurso para la recepción pública del Académico electo (1992).

Erreferentziak

• Datuak: Q12261004