Núria Cadenes i Alabèrnia

Núria Cadenes i Alabèrnia
Irudi gehiago
Independentziaren aldeko Kataluniar Solidaritateako lehendakari 2013ko urtarrilaren 26a - 2016ko martxoaren 5a ← Toni Strubell i Trueta - baliorik ez →
Bizitza
Jaiotzako izen-deiturak	Núria Cadenes i Alabèrnia
Jaiotza	Bartzelona, 1970eko otsailaren 18a (54 urte)
Herrialdea	Katalunia
Bizilekua	Bartzelona Torrent
Familia
Ama	Teresa Alabèrnia i Domènech
Hezkuntza
Heziketa	Bartzelonako Unibertsitatea
Hizkuntzak	katalana gaztelania
Jarduerak
Jarduerak	idazlea, politikaria eta kazetaria
Parte-hartzailea Q77405108 Defensem l'escola en català
Jasotako sariak	ikusi Premis de la Crítica dels Escriptors Valencians  (2010) [[]]  (2016) Gold Letter  (2021) Valencia Negra  (2020)
Kidetza	Maulets
Sinesmenak eta ideologia
Alderdi politikoa	Independentziaren aldeko Kataluniar Solidaritatea Socialist Party of National Liberation (en)
nuriacadenes.cat

Núria Cadenes i Alabèrnia, jatorriz Núria Cadenas i Alabèrnia (Bartzelona, 1970eko otsailaren 18a) kazetari eta idazle katalana da.

Biografia

Turó de la Peiran (Bartzelona) jaio zen 1970eko otsailaren 18an.

Gaztetan izaera laiko, katalanista eta aurrerakoia zuen Heura Eskolan ikasi zuen. Geroago, 1980ko hamarkadaren amaieran, Kataluniako ikasle mugimenduan parte hartu zuen eta Maulets gazte erakunde independentistaren sortzailea izan zen^[1].

Espetxeratzea

1988an, 18 urte zituela, Bartzelonan atxilotu zuten Terra Lliure erakundearen atentatu zapuztu batean ustez parte hartzeagatik.

1990eko urrian Auzitegi Nazionalean epaitu zuten, eta espetxe zigorra ezarri zioten. Auziak elkartasun mugimendu zabala eragin zuen.

1992an irten zen kartzelatik, ia sei urte preso eman ondoren.^[2]

Askatu ondoren Bartzelonara itzuli zen, eta bertan Historia ikasi zuen Bartzelonako Unibertsitatean eta itzultzaile lanetan aritu zen. Gero Valentziara joan zen eta bertan El Temps aldizkarian eta Acció Cultural del País Valencian lan egin zuen. Gaur egun El Temps, Vilaweb eta Catalunya Radioko kolaboratzailea da eta liburu-denda bat kudeatzen du Valentzian^[3].

Jarduera politikoa

Maulets gazte erakundearen sortzailea eta Partit Socialista d'Alliberament Nacionaleko (PSAN) kide izan zen. 1992ko martxoan Kataluniako Parlamenturako hauteskundeetan Bartzelonan bigarren joan zen Catalunya Lliureren zerrendan, baina erakundeak ez zuen ordezkaritzarik lortu. 2010ean, Kataluniako Parlamenturako hauteskundeetan, PSAN ordezkatzen zuen Solidaritat Catalana per la Independencia hauteskunde koalizioko hautagai zerrendan aurkeztu zen Gironan^[4].

Literatura lana

• Cartes de la presó. Valentzia: Eliseu Climent, 1990. ISBN 978-84-7502-275-8 (idazleak, kartzelan zegoela, senide eta lagunei igorritako gutunak).
• El cel de les oques. Bartzelona: Columna, 1999. ISBN 978-84-8300-712-9
• Memòries de presó (1988-1992). Valentzia: Eliseu Climent, 1994. ISBN 978-84-7502-423-3
• L'Ovidi. Valentzia: Eliseu Climent, 2002. ISBN 978-84-7502-649-7 (Ovidi Montllor i Mengual aktore eta kantariari buruz)
• Vine al sud! Guia lúdica del País Valencià. Bartzelona: Columna, 2008. ISBN 978-84-664-0934-6 (Núria Cadenes izenarekin izenpetutako aurreneko liburua).
• AZ. València: Eliseu Climent, 2009 ISBN 978-84-750-2829-3 (26 ipuin hogeita sei pertsonaiaren gorabeherekin)^[5]
• El banquer. Bartzelona: Edicions de 1984, 2013. ISBN 978-84-15835-07-3
• Tota la veritat. Bartzelona: La Magrana, 2016. ISBN 9788482648019. 2022ko berrargitalpena du: ISBN 978-84-19013-07-1^[6]
• Secundaris (Comanegra, 2018) ISBN 9788417188535
• Guillem. Bartzelona: Amsterdam, 2020 ISBN 9788417918194 (Guillem Agulló i Salvadorren hilketari buruzkoa)^[7]
• Temps Obert (Bartzelona: Comanegra, 2022) ISBN 978-84-18857-77-5

• Tiberi Cèsar (Bartzelona: Edicions Proa 2023) ISBN 978-84-19657-33-6

Sariak

• Ciutat d'Elx narratiba saria (2008): AZ .
• Valentziako Idazleen Kritikaren XX. saria, narratibakoa (2010): AZ
• Crims de Tinta VII. saria (2016) Tota la veritat lanagatik.
• València Negra eleberri onenaren saria (2020), Guillem liburuagatik.^[8]
• Lletra d'Or saria (2021) Guillem lanagatik.^[9]

Erreferentziak

Kanpo estekak

• Núria Cadenes. Web pertsonala.
• Núria Cadenes Arxivat 2012-01-15 a Wayback Machine., directe!cat
• Núria Cadenesen narrazio bat Berrian, euskaratuta^{[Betiko hautsitako esteka]}
• Nuria Cadenes AELCen orrian

• Datuak: Q5685131
• Multimedia: Núria Cadenes / Q5685131