Txalaparta (argitaletxea)

Txalaparta (argitaletxea)
Datuak
Mota	argitaletxea
Herrialdea	Espainia
Jarduera
Kidetza	International Alliance of Independent Publishers ^(en) , Editargi ^(en) eta Euskal Editoreen Elkartea
Erabilitako hizkuntza	gaztelania
Agintea


Egoitza nagusi	Tafalla

Historia
Sorrera	1988
webgune ofiziala

Artikulu hau argitaletxea buruzkoa da; musika tresna gaitzat duena beste hau da: «Txalaparta»

Artikulu hau argitaletxea buruzkoa da; The Chieftains irlandar taldearen abestia gaitzat duena beste hau da: «Txalaparta (The Chieftains)»

Txalaparta Euskal Herriko argitaletxe bat da, 1988an sortua eta egoitza Tafallan duena (Nafarroa Garaia). Gaztelaniaz eta euskaraz argitaratzen dute batik bat, 30-40 liburu urtean: euskal literatura, beste herrietakoa, saiakera politikoa eta historikoa, kritika soziala, ezkerraren klasikoak, historia entziklopediak, besteak beste. Argitaletxearen ezaugarri nabarmenena bere harpidedun eta irakurle kopurua dira.

Orain, Editoriales Independientes izenarekin, elkarlanean ari dira beste herrietako argitaletxeekin. Hala, Mexikoko ERA, Txileko LOM eta Uruguaiko Trilce argitaletxeekin batera argitalpen aniztasunaren alde ageri dira.

Argitaletxeak Altafaylla kultura elkartea hartu zuen oinarritu bere sorreran, aldarrikapen kutsuko liburuei tartea eman eta zabaltzeko. Jose Mari Espartza izan du harrezkero sortzaile eta bultza-indar nagusia; haren esanetan, Txalapartak langile talde gaztea du, eta 1.300 liburuko funtsa. Argitaletxea abian jartzeko unean, Navarra 1936. De la esperanza al terror liburuak oihartzun handia hartu zuen.

2023ko irailaren 22an, 35. urteurrena ospatu eta liburu-denda eta egoitza berria ireki zuten Iruñeko Kale Nagusian. Une horretan, Mikel Buldain zebilen argitaletxearen kudeatzaile, eta Garazi Arrula editore^[1]

Egileak

Txalapartarekin lanak argitaratu dituzten egileen artean nabarmentzekoak dira Joseba Sarrionandia, Patxi Zabaleta, Edorta Jimenez, Manu Ortega, Laura Mintegi eta Jon Alonso, besteak beste.