Léon Bonnat museoa

Bonnat-Helleu museoa
Museoaren egoitza Irudi gehiago
Kokapena
Herrialdea	Euskal Herria
Probintzia	Lapurdi
Herria	Baiona
Arkitektura
Deskribapena
Irekitze data	1897
Webgunea	http://www.museebonnat.bayonne.fr www.museebonnat.bayonne.fr

Bonnat-Helleu museoa Baionako udal museoa da, 1833an bertan jaiotako Léon Joseph Florentin Bonnat margolariaren izena duena. Honek 1891an, bere lanak ez ezik, 1880 eta 1900 artean erositako margo eta eskulturak ere eman zizkion udaletxeari. Emaitza hau baldintza bakar batekin egin zuen: lanak maileguz ez uztea.

Museoaren goiburua "l'Art d'encore plus près" da (euskaraz: "Artea oraindik gertuago").

Egoitza

Museoaren egoitza XIX. mendearen bukaeran Charles Planckaert arkitektoak eraiki zuen.

1889ko abenduan Baionako udaletxearen sutea eta gero eraikia (udaletxeko artxibo eta bildumak galdu zirenean), lau alde ezberdinak izan zituen: artxiboa, liburutegia, margoentzako museoa eta eskulturentzako lekua^[1].

1896an Léo Pouzac alkateak lehenengo harria jarri ondoren, 1897an zabaldu zuten Baiona Ttipian. 1976an eraikina guztiz museo buhurti zuten. Gertu le Carré eraikinean denboraldiko erakusketak egiten dituzte.

Bildumak

Léon Bonnatek emandako bilduma ez ezik, museoaren fondoak baditu beste ondareak ere:

• Derrecageix legatua - 1921 - Rubensen zirriborroak
• Antonin Personnaz bilduma - 1936 - Inpresionistak: Lebourg, Guillaumin - Nabiak: Maurice Denis
• Paulette Howard Johnston legatua - 1989 - Paul Helleuren margolanak.
• Petithory legatua - 1994 - brontzeak, lan manieristak edo Greuzeren lanak.
• Alphonse de Rothschild baroia^[1].
• Roland Barthes musikagilearen alargunaren legatua.
• Jules Labaten alargunaren legatua.
• Henri Duranden alargunaren legatua.
• Ernest Lafonden alargunaren legatua.

Guztira 5000 lanak ditu, horitatik hamarren bat baino ez dena erakusten. Nahiz eta azken bost mendeetako eskola europar nagusien lanak izan (alemaniarra, ingelesa, espainola, flandiarra, holandarra eta italiarra) bere lan onenak XIX. mendeko margolari frantziarrenak dira (Boudin, Corot, Courbet, David, Degas, Delacroix, Géricault, Girodet,Ingres edo Puvis de Chavannes).

Margolan nabarmenen iruditegia

• 
  Goyaren autorretratua
• 
  François Forsterren erretratua, Dominique Ingres
• 
  Albrecht Dürerren lana
• 
  Gueten La comtesse et le chérubin
• 
  Léon Bonnaten Madame Léopold Sternen erretratua
• 
  Eskola italiarra
• 
  Daviden lana
• 
  Goyaren La última comunión de San José de Calasanz

Erreferentziak

Kanpo estekak

• Datuak: Q2620702
• Multimedia: Musée Bonnat-Helleu / Q2620702